ಹೋಗುವ ಬಾರ ಮಲೆನಾಡ
 |
| ಶಿರಾಡಿ ಘಟ್ಟ |
ನಾಲ್ಕು ಚಕ್ರದ ವಾಹನ
ಸರಸದಿ ತಲುಪಿದ ಹಾಸನ
ಹೃದಯದಿ ನಿಲ್ಲದ ಕಂಪನ
 |
| ಮಂಜರಾಬಾದ್ ಕೋಟೆ |
 |
| ಮಂಜರಾಬಾದ್ ಕೋಟೆ |
ತಿರುವನು ದಾಟಿ ಕಂಡಿಹ ನೋಟ
ಮಂಜಿನ ಕೋಟೆಯ ಹತ್ತಲು ಓಟ
ಮೋಡದಿ ಮೂಡಿದ ವರುಣನ ಹನಿಗಳು
ನೆಂದವು ಹಸುರಿನ ವನ ಗಿಡಮರಗಳು
 |
| ಕುಕ್ಕೆ ಸುಬ್ರಹ್ಮಣ್ಯ |
ಕುವರನ ಅಡಿಯಲಿ ಸುಬ್ರಹ್ಮಣ್ಯ
ದರುಶನ ಭೋಜನ ಪಡೆದವ ಧನ್ಯ
ಥಟ್ಟನೆ ಹೊರಟೆವು ಧರ್ಮಸ್ಥಳವ
ಕಂಡೆವು ತಂದೆಯ ದೇವಸ್ಥಾನವ
 |
| ಚಾರ್ಮಾಡಿ ಘಟ್ಟ |
 |
| ಚಾರ್ಮಾಡಿ ಘಟ್ಟ |
ತಿರುವಿನ ಮೇಲೆ ತಿರುವಿನ ಸಾಲ
ಚಾರ್ಮಾಡಿ ಸರಣಿಯು ಬೃಹದಾಕಾರ
ಬಂಡೆಯ ಮೇಲೆ ನೀರಿನ ನಾದ
ಹರಿಯುವ ಸ್ಫಟಿಕ ಸಿಹಿ ಸುಸ್ವಾದ
 |
| ಕುದ್ರೆಮುಖ |
 |
| ಕುದ್ರೆಮುಖ ಅರಣ್ಯ ಚೆಕ್ ಪೋಸ್ಟ್ |
ಮುಗಿಲಲಿ ಸೂರ್ಯನು ಮುಳುಗುತ್ತಿರಲು
ಎಲ್ಲೆಡೆ ಮಂಜು ಮುಸುಕುತ್ತಿರಲು
ಅಶ್ವದ ಮೊಗವನು ಕಾಣುವ ಆಸೆ
ಕಗ್ಗತ್ತಲೆಯಲಿ ಸೇರಿದ ಸಮಸೆ
 |
| ಕುದ್ರೆಮುಖ ಅರಣ್ಯ |
 |
| ಶೃಂಗೇರಿ |
ಭಯವನು ಮರೆಯಲು ಸಿನೆಮಾ ಹಾಡು
ಗಾಡಿಯು ಕೆಡಲು ಭೂತವು ಏರಿ
ಕ್ಷೇಮದಿ ತಲುಪಿದ ಸಿರಿ ಶೃಂಗೇರಿ
 |
| ತುಂಗಾ ನದಿ |
 |
| ಕುಂದಾದ್ರಿ ಬೆಟ್ಟ |
ಸೂರ್ಯನು ಬೆಳಗಲು ತುಂಗವ ಸ್ಪರ್ಶಿಸಿ
ವಿದ್ಯಾರ್ಜನೆಗೆ ತಾಯಿಯ ನಮಿಸಿ
ಕುಂದಾದ್ರಿಯ ತುದಿ ಏರುವ ಸಾಹಸ
ಕೊನೆ ಕಾಣದ ಆಗುಂಬೆಯ ಆಗಸ
 |
| ಆಗುಂಬೆ |
 |
| ಲಿಂಗನಮಕ್ಕಿ ಜಲಾಶಯ |
ವೇಗದಿ ತಲುಪಿದ ನಗರ ತುಮರಿ
ಹರಿಸಿದ ನಮ್ಮನು ಚೌಡೇಶುವರಿ
ಏರಿತು ಗಾಡಿಯು ದೋಣಿಯ ಸಿಕ್ಕಿ
ಮಳೆಯಲಿ ದಾಟಿದ ಲಿಂಗನಮಕ್ಕಿ
 |
| ಜೋಗ್ ಜಲಪಾತ |
 |
| ಜೋಗ್ ಜಲಪಾತ |
ಮೇಘದ ಮರೆಯಲಿ ಜೋಗದ ಗುಂಡಿ
ಸುರಿಯುವ ಮಳೆ ಜಲಧಾರೆಯ ಥಂಡಿ
ಪತಾಳದ ಕಿಂಚಿತ್ ಅನುಭವ ಪಡೆದೆವು
ಶಿವಮೊಗ್ಗೆಯಲಿ ರಾತ್ರಿಯ ಕಳೆದೆವು
 |
| ಕಲ್ಲತ್ತಿಗಿರಿ ಜಲಪಾತ |
 |
| ಹೆಬ್ಬೆ ಅರಣ್ಯ |
ದೇಗುಲಕೆ ಜಲಪಾತದ ಸೂರು
ಗಾಡಿಯು ಹೆಬ್ಬೆ ತಲುಪುತಲಿರಲು
 |
| ಹೆಬ್ಬೆ ಜೀಪು ಪ್ರಯಾಣ |
 |
| ಹೆಬ್ಬೆ ಅರಣ್ಯ |
ಜೀಪಿನ ಪಯಣ ಕಾಣದ ಯಾನ
ನದಿಯನು ದಾಟಲು ದಟ್ಟನೆ ಕಾನನ
ಬಿಡದೆ ಹತ್ತುವ ತಿಗಣೆಯ ಸಾಗರ
 |
| ಹೆಬ್ಬೆ ಜಲಪಾತ |
 |
| ಹೆಬ್ಬೆ |
ಮುಗಿಲೆತ್ತರದಿಂಧುಮುಕುವ ಹೆಬ್ಬೆಯ
ರಭಸಕೆ ಕೇಳದು ಮಾತಿನ ದನಿಯ
ಬೀಸುವ ಗಾಳಿಯ ತಂಪಿಗೆ ನಡುಕ
ಮರೆಯದ ನೋಟ ವಿಸ್ಮಯ ಜನಕ
 |
| ಮುಳ್ಳಯ್ಯನಗಿರಿ ರಸ್ತೆ |
 |
| ಮುಳ್ಳಯ್ಯನಗಿರಿ ಪರ್ವತ |
ಭಯದಲಿ ಏರಿದ ಮುಳ್ಳಯ್ಯನಗಿರಿ
ಮೇಘದ ಮರೆ ಕಿರಿಯಂಚಿನ ದಾರಿ
ಪರ್ವತ ಶೃಂಗದಿ ಬೀಸುವ ಗಾಳಿಯು
ವೇಗಕೆ ಎಡಬಲ ತೂಗಿದ ಗಾಡಿಯು
 |
| ಮುತ್ತೋಡಿ |
 |
| ಮುತ್ತೋಡಿ ಅರಣ್ಯ |
ಸಾಹಸಗಳ ಆಯಾಸವ ಮರೆತು
ಮುತ್ತೋಡಿಯ ಮೀಸಲು ಕಾಡಿಗೆ ಹೊರಟು
ವ್ಯಾಘ್ರನ ದೂರದಿ ಕಾಣುವ ಬಯಕೆ
 |
| ಮಾರ್ಗದ ನಕ್ಷೆ |
 |
| ಮುತ್ತೋಡಿ ಅರಣ್ಯ |
ಪಯಣವು ಮುಗಿಯಿತು ಮುಖಗಳು ಮುದುಡಿತು
ಹಲವು ಸ್ಥಳ ನಾಲ್-ದಿನಗಳು ಸಾಗಿತು
ಬಹುಜಗಗಳ ಸಿರಿ ಕರುನಾಡ
ಹೋಗುವ ಬಾರ ಮಲೆನಾಡ
- ಅಭಿರಾಮ್ ಭಾರದ್ವಾಜ್
No comments:
Post a Comment